الرئيسية / سياسه / اللاعب سعد سمير .. مدافعا عن النادي الأهلي “الى متى إرهاب الكلمه والصوت العالى”
سعد-سمير

اللاعب سعد سمير .. مدافعا عن النادي الأهلي “الى متى إرهاب الكلمه والصوت العالى”

 

كتب – عمر بن الخطاب

 قال اللاعب سعد سمير، مدافع الأهلي والمنتخب المصري، اليوم الأربعاء، إن «الدولة تحارب الإرهاب والإرهابيين في سيناء، وفي كل مكان في جمهورية مصر العربية، وده شيء جميل، لكن الأهم من الإرهاب المسلح هو إرهاب الكلمة وتخويف الناس من خلال نفوذك وسلطتك». وأضاف سمير، عبر حسابه الشخصي بموقع التواصل الاجتماعي «فيسبوك»، «لماذا تصمت الدولة أو عملّه مش سامعة ومش شايفة، هل انت كمسؤول مجلكش بلاغات سب وقذف وقلة أدب وتهزيق في الناس». واستكمل: «لازم تحارب إرهاب الصوت العالي والبلطجة، واللي خايف يروح، ولو انت كمسؤول على رأسك بطحة أو خايف فكك وأقعد في البيت وكل فيشار وسبنا إحنا بقي نتعامل مع بعض». وتابع: «هتضرب هنضرب، هتحرق هنحرق، ومش برجالتنا بإيدينا، وبالحب وبالعقل كده، النادي الأهلي خط أحمر اللي يحاول يضره أو يقلل من حجمه إلى م… التاريخ، وبعدين الأهلي شاغل دماغك ليه، مركز معاه أكتر من أكلك وشربك، سبحان الله». واستطرد: «علشان كده النادي ده طول عمر ربنا بيكرمه، النادي الوحيد اللي بعد الثورة فضل محافظ على سمعة الكرة المصرية وفاز ببطولتين دوري أبطال أفريقيا وحافظ على نفسه وصنع تاريخ ولازال بيصنع التاريخ». واختتم: «الأهلي هيفضل كبير غصب عن أي حد طول ما أولاده موجودين، وانت خليها تاكلك، وبرضه الأهلي هيفضل كاسر عينك وفوق الجميع».

اضف رد

لن يتم نشر البريد الإلكتروني . الحقول المطلوبة مشار لها بـ *

*